Maana Spine DTX™: Precision Spine Care

നടുവേദനയ്ക്കും കഴുത്തുവേദനയ്ക്കും വ്യക്തിഗതമായ, ശസ്ത്രക്രിയയില്ലാത്ത ഒരു സമീപനം.

നടുവേദനയും കഴുത്തുവേദനയും ഒരിടത്ത് മാത്രം ഒതുങ്ങിനിൽക്കാറില്ല. നിങ്ങൾ ഇരിക്കുന്നതും ഉറങ്ങുന്നതും ജോലി ചെയ്യുന്നതും ചലിക്കുന്നതുമായ രീതിയെ അത് മാറ്റുന്നു. വേദനയെ മാത്രം ചികിത്സിച്ചാൽ കാരണം അതേപടി നിലനിന്നേക്കാം; വേദന വീണ്ടും വരുന്നതിന് പലപ്പോഴും കാരണം ഇതാണ്.

Maana Spine DTX™ നിങ്ങളുടെ നട്ടെല്ലിനെ കേന്ദ്രീകരിച്ച് രൂപകൽപ്പന ചെയ്ത ചിട്ടയായ ഒരു പ്രോഗ്രാമാണ്. കമ്പ്യൂട്ടർ നിയന്ത്രിതമായ സ്പൈനൽ ഡീകംപ്രഷൻ (നിങ്ങളുടെ അവസ്ഥയ്ക്ക് അനുയോജ്യമാണെങ്കിൽ), ഫിസിയോതെറാപ്പിസ്റ്റുകൾ നയിക്കുന്ന റിഹാബിലിറ്റേഷൻ, ശരീരനിലയെയും ജോലിസ്ഥല ക്രമീകരണത്തെയും (ergonomics) കുറിച്ചുള്ള മാർഗ്ഗനിർദ്ദേശം, ചികിത്സ കഴിഞ്ഞ് ഒരു വർഷം മുഴുവൻ നീളുന്ന ഫോളോ-അപ്പ് എന്നിവ ഇത് ഒരുമിപ്പിക്കുന്നു.

നിങ്ങളുടെ നട്ടെല്ല് മറ്റാരുടേതും പോലെയല്ല. നിങ്ങളുടെ ചികിത്സയും അങ്ങനെയാകണം.

സ്പൈൻ അസസ്മെന്റ് ബുക്ക് ചെയ്യൂ · അല്ലെങ്കിൽ +91 99950 09403-ൽ വിളിക്കൂ

ഒരു ചികിത്സാ സെഷനേക്കാൾ കൂടുതൽ

സ്പൈൻ കെയറിനെ മിക്കവരും ഒരു നേർരേഖയായാണ് കാണുന്നത്: വേദന, ചികിത്സ, ആശ്വാസം. DTX കുറച്ചുകൂടി നീണ്ട ഒരു യാത്രയാണ്. നിങ്ങളുടെ വേദനയ്ക്ക് കാരണം എന്താണെന്ന് നിങ്ങൾ മനസ്സിലാക്കും, അതിന് അനുയോജ്യമായ ചികിത്സ ലഭിക്കും, ബലവും ചലനശേഷിയും വീണ്ടെടുക്കും, ദൈനംദിന ജീവിതത്തിൽ നട്ടെല്ലിനെ എങ്ങനെ സംരക്ഷിക്കാമെന്ന് പഠിക്കും.

വേദനയെ മാത്രമല്ല, അതിന്റെ കാരണത്തെ ചികിത്സിക്കുന്നു. (Treat the cause. Not just the pain.)

DTX-ന്റെ ആറ് ഘട്ടങ്ങൾ

1. 

   1. Assess (വിലയിരുത്തൽ)

   നിങ്ങളുടെ ലക്ഷണങ്ങൾ, ആരോഗ്യ ചരിത്രം, വേദന ദൈനംദിന ജീവിതത്തെ എങ്ങനെ ബാധിക്കുന്നു, നട്ടെല്ല് എങ്ങനെ ചലിക്കുന്നു എന്നിവ മനസ്സിലാക്കിക്കൊണ്ടാണ് ഫിസിയോതെറാപ്പിസ്റ്റ് തുടങ്ങുന്നത്. സ്പൈനൽ ഡീകംപ്രഷൻ നിങ്ങൾക്ക് അനുയോജ്യമാണോ എന്നതുൾപ്പെടെ, നിങ്ങളുടെ ചികിത്സാ പ്ലാൻ തീരുമാനിക്കുന്നത് ഈ അസസ്മെന്റാണ്.

2. 

   2. Decompress (ഡീകംപ്രഷൻ)

   ഡീകംപ്രഷൻ നിങ്ങളുടെ അവസ്ഥയ്ക്ക് യോജിക്കുന്നുണ്ടെങ്കിൽ, കമ്പ്യൂട്ടർ നിയന്ത്രിതമായ സ്പൈനൽ ഡീകംപ്രഷൻ ലഭിക്കും. ബലം, ശരീരനില, സ്ഥിരത (stabilisation) എന്നിവ നിങ്ങളുടെ അവസ്ഥയ്ക്കും നട്ടെല്ലിലെ പ്രശ്നമുള്ള ലെവലിനും അനുസരിച്ച് ക്രമീകരിക്കുന്നു. ഡീകംപ്രഷൻ അനുയോജ്യമല്ലെങ്കിൽ, ഫിസിയോതെറാപ്പിസ്റ്റ് പകരം മറ്റ് ചികിത്സകൾ ഉപയോഗിക്കും (താഴെ “DTX-നുള്ളിൽ ഉപയോഗിക്കുന്ന ചികിത്സകൾ” കാണുക).

3. 

   3. Restore (ചലനശേഷി വീണ്ടെടുക്കൽ)

   അടുത്തതായി, മൊബിലിറ്റി, ചലന രീതികൾ, ശരീരനില, ഫിസിയോതെറാപ്പിസ്റ്റിന്റെ മേൽനോട്ടത്തിലുള്ള സ്ട്രെച്ചിംഗ് എന്നിവയിലേക്ക് ശ്രദ്ധ മാറുന്നു; വേദന പരിമിതപ്പെടുത്തിയ ചലനം വീണ്ടെടുക്കാൻ.

4. 

   4. Strengthen (ബലപ്പെടുത്തൽ)

   നട്ടെല്ലിനെ താങ്ങുന്ന ബലവും സ്ഥിരതയും വളർത്തിക്കൊണ്ട്, ചിട്ടയായ നാല് ലെവലുള്ള ഒരു റിഹാബിലിറ്റേഷൻ പദ്ധതിയിലൂടെ നിങ്ങൾ മുന്നോട്ട് പോകുന്നു.

5. 

   5. Empower (സ്വന്തം നട്ടെല്ലിനെ സംരക്ഷിക്കാൻ പഠിക്കൽ)

   ജോലിസ്ഥലത്തും വീട്ടിലും ശരീരനില, ജോലിസ്ഥല ക്രമീകരണം, ചലനം, വ്യായാമം എന്നിവ എങ്ങനെ കൈകാര്യം ചെയ്യാമെന്ന് നിങ്ങൾ പഠിക്കും. നട്ടെല്ലിനെ എങ്ങനെ പരിപാലിക്കാമെന്ന് അറിയുന്നതും ചികിത്സയുടെ ഭാഗമാണ്.

6. 

   6. Maintain (പുരോഗതി നിലനിർത്തൽ)

   സെഷനുകൾ കഴിഞ്ഞ ശേഷം, നിങ്ങളുടെ പുരോഗതി വിലയിരുത്താനും അത് നിലനിർത്താൻ സഹായിക്കാനും 1, 3, 6, 12 മാസങ്ങളിൽ ഞങ്ങൾ നേരിട്ട് ഫോളോ-അപ്പ് ചെയ്യുന്നു. 1-ാം മാസത്തെയും 3-ാം മാസത്തെയും ഫോളോ-അപ്പുകൾ പ്രോഗ്രാം ഫീസിൽ ഉൾപ്പെടുന്നു; 6-ാം മാസത്തെയും 12-ാം മാസത്തെയും റിവ്യൂകൾക്ക് പ്രത്യേകം ഫീസ് ഈടാക്കും.

ഒരു DTX പ്രോഗ്രാം പ്രായോഗികമായി എങ്ങനെയാണ്

• പ്രോഗ്രാമിന്റെ ദൈർഘ്യം: നിങ്ങളുടെ അവസ്ഥയും അസസ്മെന്റും അനുസരിച്ച് 15 മുതൽ 25 വരെ സെഷനുകൾ.

• സെഷന്റെ ദൈർഘ്യം: ഓരോ സെഷനും 60 മുതൽ 75 മിനിറ്റ് വരെ.

• സ്ഥലം: ക്ലിനിക്കിൽ ഔട്ട്‌പേഷ്യന്റ് ചികിത്സ. ആശുപത്രിയിൽ അഡ്മിറ്റ് ആകേണ്ടതില്ല; മുറിവുകളില്ല.

• നിങ്ങളുടെ കെയർ ടീം: സാധാരണയായി മുഴുവൻ സമയവും ഒരേ ഫിസിയോതെറാപ്പിസ്റ്റ് തന്നെയാകും നിങ്ങളെ ചികിത്സിക്കുക; ക്ലിനിക്കിലെ സീനിയർ ഫിസിയോതെറാപ്പിസ്റ്റിന്റെ മേൽനോട്ടവും ഉണ്ടാകും.

DTX-നുള്ളിൽ ഉപയോഗിക്കുന്ന ചികിത്സകൾ

നിങ്ങളുടെ അസസ്മെന്റ് അനുസരിച്ച്, പ്ലാനിൽ ഇവയും ഉൾപ്പെട്ടേക്കാം:

• ESWT (റേഡിയൽ ഷോക്ക്‌വേവ് തെറാപ്പി): മുറുകിയതും വേദനയുള്ളതുമായ പേശികളിലെ ട്രിഗർ പോയിന്റുകളിൽ, പലപ്പോഴും കഴുത്തിലും പുറത്തിന്റെ മുകൾഭാഗത്തും, നൽകുന്ന ശബ്ദ സമ്മർദ്ദ തരംഗങ്ങൾ (acoustic pressure waves).

• PST (പൾസ്ഡ് സിഗ്നൽ തെറാപ്പി): ശരീരത്തിനുള്ളിലേക്ക് കടക്കാത്ത, CE മാർക്ക് ഉള്ള പൾസ്ഡ് ഇലക്ട്രോമാഗ്നറ്റിക് ഫീൽഡ് തെറാപ്പി; ഡീകംപ്രഷൻ അനുയോജ്യമല്ലാത്തപ്പോൾ പലപ്പോഴും ഉപയോഗിക്കുന്നു. → PST-യെക്കുറിച്ചുള്ള തെളിവുകൾ

• കൈകൊണ്ടുള്ള (മാനുവൽ) തെറാപ്പി: ഉചിതമായിടത്ത്, റിഹാബിലിറ്റേഷന്റെ ഭാഗമായി ഉപയോഗിക്കുന്നു.

• ഫിസിയോതെറാപ്പിസ്റ്റിന്റെ മേൽനോട്ടത്തിലുള്ള സ്ട്രെച്ചിംഗ്: അസസ്മെന്റിനെ അടിസ്ഥാനമാക്കി ഫിസിയോതെറാപ്പിസ്റ്റ് നയിക്കുന്ന, ലക്ഷ്യമിട്ടുള്ള സ്ട്രെച്ചിംഗ്. ഇത് ക്ലിനിക്കൽ ചികിത്സയാണ്; സ്പാ രീതിയിലുള്ള സ്ട്രെച്ച് സെഷനല്ല.

• ഫിസിയോതെറാപ്പിയും വ്യായാമ ചികിത്സയും: Restore, Strengthen, Maintain ഘട്ടങ്ങളുടെ അടിത്തറ.

4 ലെവലുള്ള റിഹാബിലിറ്റേഷൻ പദ്ധതി

• Level 1, Restore (ചലനശേഷി വീണ്ടെടുക്കൽ): നിങ്ങളുടെ ലക്ഷണങ്ങൾക്ക് അനുസരിച്ച് ക്രമീകരിച്ച ലഘുവായ ചലനം, മൊബിലിറ്റി, പേശികളെ ഉണർത്തൽ.

• Level 2, Stabilise (സ്ഥിരത): ശരീരനില, കോർ നിയന്ത്രണം, നട്ടെല്ലിന്റെ സ്ഥിരത, ചലനത്തിന്റെ ഗുണനിലവാരം.

• Level 3, Strengthen (ബലം): ക്രമേണ കൂടുന്ന ബലം കൂട്ടലും ദൈനംദിന പ്രവർത്തനങ്ങൾക്കുള്ള ശാരീരിക ക്ഷമതയും.

• Level 4, Maintain (നിലനിർത്തൽ): ദീർഘകാലം നിങ്ങൾ തുടരുന്ന വ്യായാമം, മൊബിലിറ്റി, സ്വയം പരിപാലനം.

ചികിത്സയിൽ നിന്ന് ബലത്തിലേക്ക്.

ചികിത്സയ്ക്ക് ശേഷവും തുടരുന്ന പരിചരണം

ഗവേഷണം എന്ത് പറയുന്നു

ശസ്ത്രക്രിയയില്ലാത്ത സ്പൈനൽ ഡീകംപ്രഷനെക്കുറിച്ചുള്ള ഗവേഷണം ഇപ്പോഴും വളർന്നുകൊണ്ടിരിക്കുകയാണ്; പല പഠനങ്ങളും ചെറുതാണ്. പക്ഷേ തെളിവുകൾ വർദ്ധിച്ചുവരുന്നു. യഥാർത്ഥ ഡീകംപ്രഷനെ ഒരു ഷാം ചികിത്സയുമായി (sham: യഥാർത്ഥത്തിൽ പ്രവർത്തിക്കാത്ത, താരതമ്യത്തിനുള്ള ചികിത്സ) താരതമ്യം ചെയ്ത ഒരു റാൻഡമൈസ്ഡ് പഠനത്തിൽ, അടുത്തിടെ ഡിസ്ക് ഹെർണിയേഷൻ ഉണ്ടായവർക്ക് കാലുവേദന കുറവും ദൈനംദിന പ്രവർത്തനശേഷി മെച്ചവും ആയിരുന്നു; MRI-യിൽ ഡിസ്ക് ഹെർണിയേഷന്റെ വലിപ്പം കൂടുതൽ കുറയുകയും ചെയ്തു. ഫിസിയോതെറാപ്പി മാത്രം ചെയ്യുന്നതിനേക്കാൾ ഫിസിയോതെറാപ്പിയോടൊപ്പം ഡീകംപ്രഷൻ ചേർക്കുന്നതാണ് കൂടുതൽ ഫലപ്രദമെന്ന് മറ്റ് പഠനങ്ങളും കണ്ടെത്തി.

ഈ മാതൃകയിലാണ് DTX രൂപകൽപ്പന ചെയ്തിരിക്കുന്നത്. ഉചിതമെങ്കിൽ നൽകുന്ന ഡീകംപ്രഷൻ, എപ്പോഴും ഒരു വിശാലമായ റിഹാബിലിറ്റേഷൻ പ്രോഗ്രാമിന്റെ ഭാഗമാണ്.

→ തെളിവുകളെക്കുറിച്ചുള്ള ഞങ്ങളുടെ പൂർണ്ണ അവലോകനം വായിക്കാം

ശസ്ത്രക്രിയയോടൊപ്പം DTX-ന്റെ സ്ഥാനം

ഡിസ്കുമായി ബന്ധപ്പെട്ട നടുവേദനയോ കഴുത്തുവേദനയോ ഉള്ള മിക്കവർക്കും, ചിട്ടയായ ഒരു ശസ്ത്രക്രിയയില്ലാത്ത പ്രോഗ്രാം ന്യായമായ ആദ്യപടിയാണ്; പലർക്കും ഓപ്പറേഷൻ ഇല്ലാതെ തന്നെ മെച്ചമുണ്ടാകുന്നു. ശസ്ത്രക്രിയയ്ക്ക് ഇപ്പോഴും പ്രധാനപ്പെട്ട ഒരു സ്ഥാനമുണ്ട്. കഠിനമായതോ കൂടിവരുന്നതോ ആയ ഞരമ്പ് ലക്ഷണങ്ങൾക്ക്, അല്ലെങ്കിൽ ശസ്ത്രക്രിയയില്ലാത്ത ചികിത്സ വേണ്ടത്ര സഹായിക്കാത്തപ്പോൾ, ശസ്ത്രക്രിയ ശരിയായ തീരുമാനമാകാം. ലംബാർ സ്പൈനൽ സ്റ്റെനോസിസ് പോലുള്ള ചില അവസ്ഥകളിൽ, ശസ്ത്രക്രിയയില്ലാത്ത ചികിത്സയെക്കാൾ ശസ്ത്രക്രിയ വ്യക്തമായി മെച്ചമാണെന്ന് ഗവേഷണ റിവ്യൂകൾ കണ്ടെത്തിയിട്ടില്ല; ശസ്ത്രക്രിയയ്ക്ക് അതിന്റേതായ അപകടസാധ്യതകളുമുണ്ട്.

ശസ്ത്രക്രിയയില്ലാത്ത ആദ്യ മാർഗ്ഗമായാണ് DTX രൂപകൽപ്പന ചെയ്തിരിക്കുന്നത്. നിങ്ങളുടെ പുരോഗതി പ്രതീക്ഷിച്ചതുപോലെയല്ലെങ്കിൽ, ഫിസിയോതെറാപ്പിസ്റ്റ് അത് സത്യസന്ധമായി പറയും; ഒരു സ്പൈൻ സർജനെ കാണണോ എന്ന് തീരുമാനിക്കാൻ സഹായിക്കും. ആദ്യം DTX തിരഞ്ഞെടുക്കുന്നത് ആ വഴി അടയ്ക്കുന്നില്ല.

DTX നിങ്ങൾക്ക് അനുയോജ്യമാണോ?

നട്ടെല്ലുമായി ബന്ധപ്പെട്ട അവസ്ഥകൾക്കായാണ് DTX രൂപകൽപ്പന ചെയ്തിരിക്കുന്നത്; ഉദാഹരണത്തിന്:

• നടുവേദനയും കഴുത്തുവേദനയും

• സയാറ്റിക്ക

• ഡിസ്ക് തെറ്റലും (ഹെർണിയേറ്റഡ് ഡിസ്ക്) ഡിസ്ക് ബൾജും

• സെർവിക്കൽ, ലംബാർ സ്പോണ്ടിലോസിസ്

• കൈയിലോ കാലിലോ വേദനയും തരിപ്പും പോലുള്ള, നട്ടെല്ലുമായി ബന്ധപ്പെട്ട ഞരമ്പ് ലക്ഷണങ്ങൾ

→ ഞങ്ങൾ ചികിത്സിക്കുന്ന എല്ലാ അവസ്ഥകളും കാണാം

ഓസ്റ്റിയോപൊറോസിസിന്റെയും സ്പോണ്ടിലോലിസ്തസിസിന്റെയും ചില ഘട്ടങ്ങൾ, ഗർഭകാലം തുടങ്ങിയ ചില സാഹചര്യങ്ങളിൽ, ഫിസിയോതെറാപ്പിസ്റ്റ് ഡീകംപ്രഷൻ വേണ്ടെന്ന് തീരുമാനിച്ച് മറ്റ് ചികിത്സകളെ അടിസ്ഥാനമാക്കി പ്രോഗ്രാം തയ്യാറാക്കിയേക്കാം. ആ തീരുമാനം അസസ്മെന്റ് സമയത്താണ് എടുക്കുന്നത്; മുൻകൂട്ടി ഊഹിക്കുന്നതല്ല.

അടുത്തിടെ തുടങ്ങിയതോ പെട്ടെന്നുണ്ടായതോ ആയ വേദനയാണോ?

വർഷങ്ങളായി സഹിക്കുന്ന വേദനയ്ക്ക് മാത്രമുള്ളതല്ല DTX. കഴിഞ്ഞ അഞ്ച് വർഷത്തിനിടെ, അടുത്തിടെ പെട്ടെന്നുണ്ടായ (acute) നടുവേദനയും കഴുത്തുവേദനയുമുള്ള രോഗികളെയും ഞങ്ങൾ ചികിത്സിച്ചിട്ടുണ്ട്.

പെട്ടെന്നുണ്ടായ വേദനയിൽ, അടിയന്തര മെഡിക്കൽ ചികിത്സ ആവശ്യമുള്ള മുന്നറിയിപ്പ് ലക്ഷണങ്ങളുണ്ടോ എന്നാണ് അസസ്മെന്റ് ആദ്യം പരിശോധിക്കുന്നത്. ശസ്ത്രക്രിയയില്ലാത്ത ഒരു പ്രോഗ്രാം ഉചിതമാണെങ്കിൽ, വേദന കുറയ്ക്കുന്നതിലൂടെയാണ് ഞങ്ങൾ തുടങ്ങുന്നത്. ലക്ഷണങ്ങൾ ശമിച്ചുകഴിഞ്ഞാൽ, സ്പൈനൽ ഡീകംപ്രഷനിലേക്കും പ്രോഗ്രാമിന്റെ മറ്റ് ഭാഗങ്ങളിലേക്കും നീങ്ങുന്നു. മൊത്തം പ്രോഗ്രാമിന്റെ ദൈർഘ്യം ഏറെക്കുറെ സമാനമാണ്; സാധാരണയായി 15 മുതൽ 25 വരെ സെഷനുകൾ.

അടുത്തിടെയുണ്ടായ ഡിസ്ക് പ്രശ്നങ്ങൾ ചികിത്സിക്കുന്നതിനെയും ഗവേഷണം പിന്തുണയ്ക്കുന്നു. ഒരു റാൻഡമൈസ്ഡ് പഠനത്തിൽ, നടുവിന്റെ താഴ്ഭാഗത്ത് അടുത്തിടെ ഡിസ്ക് ഹെർണിയേഷൻ ഉണ്ടായവരിൽ ഡീകംപ്രഷൻ ലഭിച്ചവർക്ക്, ഷാം ചികിത്സ ലഭിച്ചവരെക്കാൾ കാലുവേദന കുറവും പ്രവർത്തനശേഷി മെച്ചവും ആയിരുന്നു.

പകരം അടിയന്തര ചികിത്സ തേടേണ്ടത് എപ്പോൾ

ചില ലക്ഷണങ്ങൾക്ക് ഫിസിയോതെറാപ്പിയല്ല, അടിയന്തര മെഡിക്കൽ ശ്രദ്ധയാണ് വേണ്ടത്. മൂത്രത്തിന്റെയോ മലത്തിന്റെയോ നിയന്ത്രണം നഷ്ടപ്പെടൽ, നാഭിക്ക് താഴെ ജനനേന്ദ്രിയങ്ങൾക്ക് ചുറ്റുമുള്ള ഭാഗത്ത് (groin) മരവിപ്പ്, അല്ലെങ്കിൽ വേഗത്തിൽ കൂടിവരുന്ന കാലുകളിലെ ബലക്കുറവ് എന്നിവ ഇതിൽ ഉൾപ്പെടുന്നു. → അപകട സൂചനകൾ (red flags) അറിയാം

അളക്കാവുന്ന അനുഭവം

• ഞങ്ങളുടെ സ്പൈൻ കെയർ രീതിയിൽ 5+ വർഷത്തെ ക്ലിനിക്കൽ അനുഭവം

• 2021 മുതൽ ഞങ്ങളുടെ ക്ലിനിക്കുകളിൽ 2,700+ സ്പൈൻ രോഗികൾക്ക് ചികിത്സ

• 96%+ രോഗി സംതൃപ്തി

2021-നും 2026-നും ഇടയിൽ Google റിവ്യൂകളിലും Maana-യുടെ രോഗി സംതൃപ്തി ഫോമുകളിലും Maana സ്പൈൻ രോഗികൾ നൽകിയ 800-ലധികം റേറ്റിംഗുകളെ അടിസ്ഥാനമാക്കിയാണ് സംതൃപ്തി കണക്കാക്കിയത്. 5-ൽ 4 അല്ലെങ്കിൽ 5 റേറ്റിംഗ് നൽകിയവരെയാണ് “സംതൃപ്തർ” ആയി കണക്കാക്കിയത്.

→ രോഗികളുടെ അനുഭവങ്ങൾ വായിക്കാം

ഒരു Maana Spine ക്ലിനിക്ക് കണ്ടെത്താം

അഞ്ച് Maana Spine, Joint & Wellness Clinic-കളിലും DTX ലഭ്യമാണ്:

• കൊച്ചി (കലൂർ)

• കോഴിക്കോട് (എരഞ്ഞിപ്പാലം)

• തിരുവനന്തപുരം (പേരൂർക്കട)

• ആലുവ

• പെരിന്തൽമണ്ണ

പ്രവർത്തന സമയം: തിങ്കൾ മുതൽ ശനി വരെ: രാവിലെ 8:30 മുതൽ വൈകിട്ട് 7 വരെ. ഞായർ: രാവിലെ 9 മുതൽ ഉച്ചകഴിഞ്ഞ് 3 വരെ.

സ്പൈൻ അസസ്മെന്റ് ബുക്ക് ചെയ്യൂ · അല്ലെങ്കിൽ +91 99950 09403-ൽ വിളിക്കൂ