ലംബാർ സ്പോണ്ടിലോസിസ് (lumbar spondylosis): പ്രായസംബന്ധമായ മാറ്റങ്ങൾ മൂലമുള്ള നടുവേദനയും ചികിത്സയും

എന്താണ് ലംബാർ സ്പോണ്ടിലോസിസ്?

“സ്പോണ്ടിലോസിസ്” എന്നാൽ നട്ടെല്ലിൽ പ്രായത്തിനനുസരിച്ചുണ്ടാകുന്ന തേയ്മാനം. “ലംബാർ” എന്നാൽ നടുവിന്റെ താഴ്ഭാഗം. ലംബാർ സ്പോണ്ടിലോസിസിൽ ഇവ ഉൾപ്പെടാം:

• ഡിസ്ക് മാറ്റങ്ങൾ: ഡിസ്കുകളിലെ ജലാംശവും ഉയരവും കുറയൽ (ഡീജനറേറ്റീവ് ഡിസ്ക് ഡിസീസ്), ചിലപ്പോൾ ഒപ്പം ഒരു ഡിസ്ക് ബൾജ്

• ഫേസറ്റ് ജോയിന്റ് മാറ്റങ്ങൾ: നട്ടെല്ലിന്റെ ചലനം നിയന്ത്രിക്കുന്ന, പിൻഭാഗത്തെ ചെറിയ സന്ധികളിലെ തേയ്മാനം

• ബോൺ സ്പർ (osteophytes): കശേരുക്കളുടെ അരികുകളിൽ രൂപപ്പെടുന്ന ചെറിയ എല്ലുവളർച്ചകൾ

ചിലപ്പോൾ ഈ മാറ്റങ്ങൾ ഞരമ്പുകൾക്കുള്ള ഇടം ഇടുക്കും. ഇതിനെയാണ് ലംബാർ സ്പൈനൽ സ്റ്റെനോസിസ് എന്ന് പറയുന്നത്.

സ്പോണ്ടിലോസിസ് കഴുത്തിനെയും ബാധിക്കാം; അതിനെ സെർവിക്കൽ സ്പോണ്ടിലോസിസ് എന്ന് പറയുന്നു.

ഇത് എത്രത്തോളം സാധാരണമാണ്?

വളരെ സാധാരണമാണ്. നടുവേദനയില്ലാത്ത ആളുകളുടെ സ്കാനുകൾ പരിശോധിച്ച 2015-ലെ ഒരു വലിയ റിവ്യൂവിൽ, 20 വയസ്സുകാരിൽ ഏകദേശം 37% പേരിലും 80 വയസ്സുകാരിൽ ഏകദേശം 96% പേരിലും ഡിസ്ക് ഡീജനറേഷൻ കണ്ടെത്തി. ഈ മാറ്റങ്ങളിൽ പലതും സാധാരണ വാർദ്ധക്യത്തിന്റെ ഭാഗമാണെന്നാണ് ഗവേഷകർ നിഗമനം ചെയ്തത്.

അതുകൊണ്ടാണ് റിപ്പോർട്ടിൽ സ്പോണ്ടിലോസിസ് എന്ന് കണ്ടത് മാത്രം കൊണ്ട് നിങ്ങളുടെ വേദന വിശദീകരിക്കാനാകാത്തത്. സ്കാൻ മാത്രമല്ല, നിങ്ങളുടെ നടുവ് എങ്ങനെ ചലിക്കുന്നു, നിങ്ങൾക്ക് എങ്ങനെ അനുഭവപ്പെടുന്നു എന്നതും അസസ്മെന്റിൽ പരിശോധിക്കും.

ലക്ഷണങ്ങൾ

ലംബാർ സ്പോണ്ടിലോസിസ് ഉള്ള പലർക്കും ലക്ഷണങ്ങളൊന്നുമില്ല. പ്രശ്നങ്ങളുണ്ടാക്കുമ്പോൾ ഇവ ശ്രദ്ധയിൽപ്പെട്ടേക്കാം:

• നടുവിന്റെ താഴ്ഭാഗത്ത് വേദനയോ പിടുത്തമോ; പലപ്പോഴും രാവിലെയോ വിശ്രമത്തിന് ശേഷമോ കൂടുതൽ

• ദീർഘനേരം നിൽക്കുകയോ ഇരിക്കുകയോ ചെയ്ത ശേഷം വേദന

• വഴക്കം കുറയൽ, ഉദാഹരണത്തിന് കുനിയാൻ ബുദ്ധിമുട്ട്

• ഞരമ്പിന് അസ്വസ്ഥതയുണ്ടെങ്കിൽ, നിതംബത്തിലേക്കോ കാലുകളിലേക്കോ പടരുന്ന വേദന, ഒപ്പം മരവിപ്പോ തരിപ്പോ

• നടക്കുമ്പോൾ കാലുവേദനയോ കാലിന് ഭാരമോ, ഇരിക്കുമ്പോഴോ മുന്നോട്ട് കുനിയുമ്പോഴോ കുറയുന്നത് (സ്പൈനൽ സ്റ്റെനോസിസിന്റെ ലക്ഷണം)

കാരണങ്ങൾ എന്തെല്ലാം?

• പ്രായം: നട്ടെല്ലിലെ ഡിസ്കുകളിലും സന്ധികളിലും പതുക്കെയുണ്ടാകുന്ന മാറ്റങ്ങൾ

• ശാരീരിക ഭാരം: വർഷങ്ങളോളം കനത്ത ഭാരം ഉയർത്തൽ, കുനിയൽ, അല്ലെങ്കിൽ മണിക്കൂറുകളോളമുള്ള ഇരിപ്പ്

• മുമ്പ് നടുവിനുണ്ടായ പരിക്ക്, അമിതവണ്ണം, പുകവലി, പാരമ്പര്യം തുടങ്ങിയ, പങ്കുണ്ടായേക്കാവുന്ന മറ്റ് ഘടകങ്ങൾ

നടുവേദന അടിയന്തര സാഹചര്യമാകുന്നത് എപ്പോൾ

→ അപകട സൂചനകളുടെ (red flags) പൂർണ്ണ പട്ടിക വായിക്കാം

എങ്ങനെ കണ്ടെത്തുന്നു

Maana Spine-ലെ സ്പൈൻ അസസ്മെന്റ് (നട്ടെല്ല് പരിശോധന) സമയത്ത് നിങ്ങളുടെ ഫിസിയോതെറാപ്പിസ്റ്റ് ലക്ഷണങ്ങളെക്കുറിച്ചും ദൈനംദിന ജീവിതത്തെക്കുറിച്ചും ചോദിച്ചറിയും, നടുവിന്റെ താഴ്ഭാഗം എങ്ങനെ ചലിക്കുന്നുവെന്ന് പരിശോധിക്കും, കാലുകളിലെ ബലം, സ്പർശനശേഷി, റിഫ്ലക്സുകൾ എന്നിവ ടെസ്റ്റ് ചെയ്യും, നിങ്ങൾ കൊണ്ടുവരുന്ന MRI, എക്സ്-റേ, ലാബ് റിപ്പോർട്ടുകൾ പരിശോധിക്കും. നിങ്ങൾക്ക് ഒരു ഫിസിയോതെറാപ്പി ഡയഗ്നോസിസും വ്യക്തിഗത ചികിത്സാ പ്ലാനും ലഭിക്കും.

ബുക്ക് ചെയ്യാൻ സ്കാൻ ആവശ്യമില്ല. സ്കാൻ ഉപകാരപ്പെടുമെങ്കിൽ, നിങ്ങളുടെ ഫിസിയോതെറാപ്പിസ്റ്റ് MRI അല്ലെങ്കിൽ എക്സ്-റേ നിർദ്ദേശിക്കും.

→ സ്പൈൻ അസസ്മെന്റിൽ എന്തെല്ലാം നടക്കും

Maana Spine-ൽ ലംബാർ സ്പോണ്ടിലോസിസിനുള്ള ചികിത്സ

ഞങ്ങളുടെ വ്യക്തിഗതമായ, ശസ്ത്രക്രിയയില്ലാത്ത Precision Spine Care (ഓരോരുത്തർക്കും അനുയോജ്യമായ സ്പൈൻ കെയർ) പ്രോഗ്രാമായ Maana Spine DTX™ അനുസരിച്ചാണ് ചികിത്സ:

Assess: (വിലയിരുത്തൽ): ഡിസ്കുകൾ, സന്ധികൾ, ഞരമ്പുകൾ, പേശികൾ എന്നിവയിൽ ഏതാണ് വേദനയ്ക്ക് പിന്നിലെന്ന് കണ്ടെത്തുന്നു; അപകട സൂചനകൾ ഇല്ലെന്ന് ഉറപ്പാക്കുന്നു.

Decompress: (ഡീകംപ്രഷൻ): നിങ്ങളുടെ അവസ്ഥയ്ക്ക് അനുയോജ്യമാണെങ്കിൽ, US FDA 510(k) ക്ലിയറൻസ് ലഭിച്ച സാങ്കേതികവിദ്യ ഉപയോഗിച്ചുള്ള, കമ്പ്യൂട്ടർ നിയന്ത്രിതമായ സ്പൈനൽ ഡീകംപ്രഷൻ. ഡീകംപ്രഷൻ അനുയോജ്യമല്ലെങ്കിൽ, പൾസ്ഡ് സിഗ്നൽ തെറാപ്പി (PST) പോലുള്ള മറ്റ് ചികിത്സകൾ ഉപയോഗിക്കുന്നു.

Restore: (ചലനശേഷി വീണ്ടെടുക്കൽ): പിടുത്തം കുറയ്ക്കാനും ചലനം മെച്ചപ്പെടുത്താനും ലഘുവായ മൊബിലിറ്റി വ്യായാമങ്ങളും ഫിസിയോതെറാപ്പിസ്റ്റിന്റെ മേൽനോട്ടത്തിലുള്ള സ്ട്രെച്ചിംഗും.

Strengthen: (ബലപ്പെടുത്തൽ): നട്ടെല്ലിനെ താങ്ങുന്ന പേശികളുടെ ബലം കൂട്ടാൻ നാല് ലെവലുള്ള ഞങ്ങളുടെ വ്യായാമ പദ്ധതി: Level 1 Restore (ചലനശേഷി വീണ്ടെടുക്കൽ), Level 2 Stabilise (സ്ഥിരത), Level 3 Strengthen (ബലം), Level 4 Maintain (നിലനിർത്തൽ).

Empower: (സ്വന്തം നട്ടെല്ലിനെ സംരക്ഷിക്കാൻ പഠിക്കൽ): സുഖകരമായി എങ്ങനെ ഇരിക്കാം, നിൽക്കാം, ഭാരം ഉയർത്താം, ഉറങ്ങാം എന്ന് പഠിക്കുന്നു. എഴുതി നൽകുന്നതും ആപ്പ് വഴിയുള്ളതുമായ വീട്ടിൽ ചെയ്യാനുള്ള വ്യായാമ പ്ലാനുകളും ലഭിക്കും.

Maintain: (പുരോഗതി നിലനിർത്തൽ): 1, 3, 6, 12 മാസങ്ങളിൽ നേരിട്ടുള്ള ഫോളോ-അപ്പ്. 1-ാം മാസത്തെയും 3-ാം മാസത്തെയും ഫോളോ-അപ്പുകൾ പ്രോഗ്രാം ഫീസിൽ ഉൾപ്പെടുന്നു; 6-ാം മാസത്തെയും 12-ാം മാസത്തെയും റിവ്യൂകൾക്ക് പ്രത്യേകം ഫീസ് ഈടാക്കും.

ഒരു DTX പ്രോഗ്രാമിൽ സാധാരണയായി 60 മുതൽ 75 മിനിറ്റ് വീതമുള്ള 15 മുതൽ 25 വരെ സെഷനുകൾ ഉണ്ടാകും. സാധാരണയായി ഒരേ ഫിസിയോതെറാപ്പിസ്റ്റ് തന്നെയാകും മുഴുവൻ സമയവും നിങ്ങളെ ചികിത്സിക്കുക.

→ Maana Spine DTX™-നെക്കുറിച്ച് കൂടുതൽ അറിയാം

ഗവേഷണം എന്ത് പറയുന്നു

വ്യായാമം. 2021-ലെ ഒരു കോക്രെയ്ൻ റിവ്യൂ (Cochrane review) കണ്ടെത്തിയത്: ദീർഘകാലമായുള്ള നടുവേദനയിൽ, രോഗികൾക്ക് യഥാർത്ഥത്തിൽ വ്യത്യാസം തോന്നുന്ന അളവിൽ, വ്യായാമം വേദന കുറയ്ക്കാൻ സാധ്യതയുണ്ട് എന്നതിന് മിതമായ ഉറപ്പുള്ള തെളിവുകളുണ്ട്.

ഡീകംപ്രഷനും ട്രാക്ഷനും. നടുവിന്റെ താഴ്ഭാഗത്ത് പ്രായസംബന്ധമായ രോഗമുള്ള 148 പേരിൽ നടത്തിയ 2013-ലെ ഒരു പഠനത്തിൽ, മൂന്ന് തലങ്ങളിലുള്ള (three-plane) ട്രാക്ഷൻ-ഡീകംപ്രഷൻ, ഒറ്റ തലത്തിലുള്ള ട്രാക്ഷനെക്കാളും ട്രാക്ഷൻ ഇല്ലാത്തതിനെക്കാളും 12 മുതൽ 15 ആഴ്ച വരെയുള്ള കാലയളവിൽ വേഗത്തിലും കൂടുതൽ നീണ്ടുനിൽക്കുന്നതുമായ ആശ്വാസം നൽകി. കുറഞ്ഞ ഫോളോ-അപ്പ് കാലയളവ്, ബ്ലൈൻഡിംഗ് (ആർക്ക് ഏത് ചികിത്സ എന്ന് മറച്ചുവെക്കൽ) വിവരിക്കാത്തത് എന്നിങ്ങനെ ഈ പഠനത്തിന് പരിമിതികളുണ്ടായിരുന്നു. മൊത്തത്തിൽ, ഇതുവരെയുള്ള ചെറിയ പഠനങ്ങളിൽ ഡീകംപ്രഷനും പരമ്പരാഗത ട്രാക്ഷനും നൽകിയ വേദനാശമനം ഏറെക്കുറെ സമാനമായിരുന്നു; പ്രവർത്തനശേഷിയിലും രോഗികളുടെ സംതൃപ്തിയിലും ഡീകംപ്രഷന് അധിക ഗുണം ചില പഠനങ്ങൾ കണ്ടെത്തി. ഇവയിൽ ഏതായാലും, ഫിസിയോതെറാപ്പി മാത്രം ചെയ്യുന്നതിനേക്കാൾ ചിട്ടയായ ഫിസിയോതെറാപ്പിയോടൊപ്പം ചേർക്കുമ്പോഴാണ് മെച്ചപ്പെട്ട ഫലം.

PST (പൾസ്ഡ് സിഗ്നൽ തെറാപ്പി). PST ഒരു തരം പൾസ്ഡ് ഇലക്ട്രോമാഗ്നറ്റിക് ഫീൽഡ് (PEMF) തെറാപ്പിയാണ്. PEMF ദീർഘകാലമായുള്ള നടുവേദന, പ്ലാസിബോയെക്കാളും മറ്റ് ചികിത്സകൾ മാത്രം നൽകുന്നതിനെക്കാളും കൂടുതൽ കുറച്ചതായി 2022-ലെ ഒരു റിവ്യൂ കണ്ടെത്തി; പക്ഷേ ശാരീരിക പ്രവർത്തനശേഷിയിൽ മെച്ചമുണ്ടായില്ല. ഈ പഠനങ്ങൾ പലതരം PEMF ഉപകരണങ്ങളാണ് ഉപയോഗിച്ചത്; എല്ലാം PST ആകണമെന്നില്ല.

→ ഡീകംപ്രഷൻ ഗവേഷണത്തെക്കുറിച്ചുള്ള ഞങ്ങളുടെ പൂർണ്ണ അവലോകനം വായിക്കാം

എനിക്ക് ശസ്ത്രക്രിയ വേണ്ടിവരുമോ?

ലംബാർ സ്പോണ്ടിലോസിസ് ഉള്ള മിക്കവർക്കും ശസ്ത്രക്രിയ ആവശ്യമില്ല. മിക്കവർക്കും ശസ്ത്രക്രിയയില്ലാത്ത ചികിത്സ ന്യായമായ ആദ്യപടിയാണ്; ആവശ്യമെങ്കിൽ ശസ്ത്രക്രിയ എന്ന വഴി അപ്പോഴും തുറന്നുതന്നെയിരിക്കും. സ്പോണ്ടിലോസിസ് ഞരമ്പുകൾക്കുള്ള ഇടം ഇടുക്കുകയും ലക്ഷണങ്ങൾ കഠിനമോ കൂടിവരുന്നതോ ആവുകയും ചെയ്താൽ, നിങ്ങൾ ഒരു സർജനെ കാണണമോ എന്ന് ഞങ്ങൾ സത്യസന്ധമായി പറയും.

→ ഡിസ്ക് പ്രശ്നത്തിന് എനിക്ക് ശസ്ത്രക്രിയ വേണോ?

ലംബാർ സ്പോണ്ടിലോസിസുമായി ജീവിക്കുമ്പോൾ: പ്രായോഗിക നിർദ്ദേശങ്ങൾ

• ദിവസം പതുക്കെ തുടങ്ങുക. എഴുന്നേൽക്കുന്നതിന് മുമ്പ് ചെയ്യുന്ന ചില ലഘുവായ ചലനങ്ങൾ രാവിലത്തെ പിടുത്തം കുറച്ചേക്കാം.

• സജീവമായിരിക്കുക. നടത്തവും നിങ്ങളുടെ പ്രോഗ്രാമിലെ വ്യായാമങ്ങളും നട്ടെല്ലിനെ ചലിപ്പിച്ചുനിർത്താൻ സഹായിക്കുന്നു.

• ശരീരനില മാറ്റിക്കൊണ്ടിരിക്കുക. ദീർഘനേരം തുടർച്ചയായി ഇരിക്കുകയോ നിൽക്കുകയോ ചെയ്യാതിരിക്കുക.

• ശ്രദ്ധയോടെ ഭാരം ഉയർത്തുക. ഭാരം ശരീരത്തോട് ചേർത്ത് പിടിക്കുക; ശരീരം തിരിക്കാതിരിക്കുക.

ഇവ പൊതുവായ നിർദ്ദേശങ്ങൾ മാത്രമാണ്; അസസ്മെന്റിന് പകരമല്ല.

സ്പൈൻ അസസ്മെന്റ് ബുക്ക് ചെയ്യേണ്ടത് എപ്പോൾ

നടുവിന്റെ താഴ്ഭാഗത്തെ വേദനയോ പിടുത്തമോ കുറച്ച് ആഴ്ചകളിൽ കൂടുതൽ നീണ്ടുനിൽക്കുകയോ, വീണ്ടും വീണ്ടും വരികയോ, കാലുകളിലേക്ക് പടരുകയോ, നിങ്ങളുടെ ജോലിയെയോ ദൈനംദിന ജീവിതത്തെയോ ബാധിക്കുകയോ ചെയ്യുന്നുണ്ടെങ്കിൽ ഒരു അസസ്മെന്റ് ബുക്ക് ചെയ്യൂ. കൊച്ചി, കോഴിക്കോട്, തിരുവനന്തപുരം, ആലുവ, പെരിന്തൽമണ്ണ എന്നിവിടങ്ങളിലെ അഞ്ച് Maana Spine ക്ലിനിക്കുകളിലും സ്പൈൻ അസസ്മെന്റ് ലഭ്യമാണ്. കൺസൾട്ടേഷൻ ഫീസ് ₹250, ആണ്. ഡോക്ടറുടെ റഫറൽ ആവശ്യമില്ല.

സ്പൈൻ അസസ്മെന്റ് ബുക്ക് ചെയ്യൂ · അല്ലെങ്കിൽ +91 99950 09403-ൽ വിളിക്കുകയോ വാട്സ്ആപ്പ് ചെയ്യുകയോ ചെയ്യൂ